Forcat e policisë, zjarrfikëseve si dhe ato të Marinës Mbretërore punuan gjatë gjithë natës për të shpëtuar një balenë që kishte ngecur në bregun e lumit Tamiz, në jugperëndim të Londrës. Balena e llojit Minke, u pikas ditën e dielë në Richmond Lock. Pas lëvizjes së saj, një veteriner do të vlerësojë nëse ajo mund të lihet e lirë në det, apo jo. Balena u pa fillimisht afër urës Barnes, dhe pastaj ngeci pranë njërës nga portat e lumit. Autoriteti portual I Londrës tha se balena kishte ngecur rreth orës 19:00. Forcat e shpetimit arritën 2 orë më vonë dhe filluan punën për lirimin e balenës së gjatë 3-4 metra. Ata u ndihmuan edhe nga zjarrfikësit dhe disa zhytës, të cilët pas përpjekjeve disa orëshe arritën ta clirojnë balenën dhe ta levizin atë në një vend më të sigurt. Sipas të dhënave, balena pësoi vetem disa dëmtime te lehta. Balenat e llojit minke mund të arrijnë deri në 10 metra gjatësi, dhe gjenden pergjatë Oqeanit Atlantik dhe atij Paqësor.