Prokuroria e Fierit ka përfunduar hetimet dhe ka dërguar në gjyq babë e bir, Ali dhe Afrim Cimili për vrasjen e mbetur në tentative të shtetasit, Hysen Mërnicës, ngjarje e shënruar më 9 prill 2025 në afërsi të fshatit Sulaj. Sipas organit të akzuzës, babë e bir akuzohen për për veprën penale ‘Vrasja me paramendim’ kryer në bashkëpunim e mbetur në tentativë dhe armëmbajtje pa leje. Prokuroria thotë se sipas hetimeve, rezulton se Ali dhe Afrim Cimili, për shkak të një konflikti të mëparshëm mes djalit dhe viktimës, kanë ndjekur me dy automjete të ndryshme Toyota dhe Mercedes-Benz duke I zënë pritë Hysen Mërnicës. Babë e bir kanë qëlluar 9 herë me armën tip pistoletë ndaj viktimës Hysen Mërnicës, teksa lëvizte me një motomjet së bashku me nënën e tij Suzana Mërnica. Prokuroria sqaron se Afrim Cimili pak përpara se të ndodhte ngjarja ka qenë së bashku me të atin e tij, Ali Cimili. Gjatë kësaj kohe janë shkëmbyer në rrugë me viktimën Hysen Mërnicën dhe kanë konstatuar itenerarin e tij të lëvizjes. Në këto rrethana, dy të pandehurit kanë përgatitur kushtet për ta vrarë. Nga ngjarja mbeti e lënduar dhe nëna e ‘shënjestrës’ Suzana Mërnica e cila po udhëtonte me të në motomjet.