Në harkun kohor të 24 orëve presidenti Meta ka nisur një letër të dytë për komisionin e ligjeve, duke mos pranuar hetimin ndaj tij. Ky komision i pati kërkuar kreut të shtetit të ishte pjesë e seancës dëgjimore që ishte planifikuar për këtë të enjte, por kjo nuk është pranuar nga kreu i shtetit. Nëpërmjet një shkrese të gjatë tërësisht zyrtare presidenti i vendit ka njoftuar anëtarët e komisionit të ligjeve për pamundësinë e tij për të qenë i pranishëm në këtë mbledhje, duke e justifikuar këtë me axhendën presidenciale. “Pikërisht rëndësia e kësaj çështjeje, duke ditur synimin siç më sipër cituam, kërkon reflektim dhe vlerësim të thelluar së pari nga ju, si dhe kohë të mjaftueshme për të gjithë. Harku kohor prej më pak se 24 orësh, kurrësesi nuk mund të klasifikohet si “kohë e mjaftueshme”. Sigurisht që agjenda e Presidentit të Republikës, është e paracaktuar, dhe i mundëson zhvillimin e këtij takimi apo mbajtjen e bashkëbisedimit e bashkëdëgjimit me anëtarët e këtij Komisioni, në datën 10 maj 2021.