Seanca e dosjes “Partizani”, është shtyrë për në datën 14 shkurt, për shkak të angazhimeve që kishte njëri nga avokatët mbrojtës, në një tjetër proces gjyqësor. Seanca paraprake për ish-kryeministrin Sali Berishën dhe katër të pandehurit e tjerë ka zgjatur rreth 40 minuta ku mësohet se nga mbrojta e Jamarbër Malltezit janë paraqitur disa prova shkresore. Pas kësaj njëri nga mbrojtësit, Klodian Skëndëri ka kërkuar shtyrjen e seancës për shkak se duhej të ishte në një gjyq tjetër. Në këtë process gjyqësor ish-kryeministri Sali Berisha akuzohet për kryerjen e veprës penale korrupsioni pasiv i funksionarëve të lartë shtetërorë ose i të zgjedhurve vendorë, kryer në bashkëpunim. Ndërsa dhëndri i tij Jamarbër Malltezi akuzohet për korrupsion pasiv dhe pastrim parash kryer në bashkëpunim. Sakaq seanca e radhës u caktua në datë 21 shkurt.