Avokatët penalistë kanë hedhur hijë dyshimi për vdekjen e avokatit Leonard Dingo, ngjarje e ndodhur dy ditë më parë në rrugën dytësore Plepa Kavajë. Ata thonë se Dingo mbronte disa cështje sensitive dhe se dyshimet të drejtojnë përtej një aksidenti të zakonshëm. Ka më shumë se 48 orë që në zonën e Golemit, Durrës ka ndodhur një aksident me tipare të një krimi, që ende nuk është zbardhur. Avokati i mirënjohur Leonard Dingo ka ndërruar jetë si rrezultat i një aksidenti që ka ndodhur pranë shtëpisë së tij në një rrugë dytësore rreth orës 12:00 të datës 20 Gusht. Duke ditur çështjet sensitive që mbronte avokat Dingo dyshimet e arsyeshme të drejtojnë përtej një aksidenti të zakonshëm.” Lidhur me këtë cështje pati edhe një reagim nga avokati Kujtim Cakrani, i cili shkruan në llogarinë e tij në Facebook se ky nuk është një rast i izoluar dhe se kohët e fundit janë vrarë dhe dhunuar shumë avokatë. Cakrani e cilëson vrasje ngjarjen e dy ditëve më parë, pranë banesës së avoktit dhe bën thirrje që autorët të shkojnë përpara drejtësisë. Sipas policisë së Durrësit 63 vjecari u përpas nga një automjet dhe për pasojë humbi jetën. Këtë të premte policia identifikoi dhe shpalli në kërkim 22 vjecarin Erjon Kacani, banues në Tiranë. Ky i fundit pasi përplasi me makinë Leonard Dingon, u largua nga vendi i ngjarjes, ndërsa automjetin e braktisi në fshatin Kodër Arapaj. Policia e Durrësit e ka raportuar ngjarjen si aksidentale, ndërkohë që avokatët penalistë e cilësojnë atë si krim.