Top News – Avokati i Xhaçkës përballë demokratëve/A do të shkojë ministrja në Gjykatën Kushtetuese !

Përfaqësuesi ligjor i ministres Olta Xhaçka u përball me akuzat e deputetëve demokratë në Këshillin e Mandateve, të cilët kërkojnë të çojnë çështjen e mandatit të Xhaçkës në dyert e Gjykatës Kushtetuese. Por, sipas avokatit Çifligu nuk provohet në asnjë moment se automatikisht me marrjen e statusit garantohet veprimtari fitimprurëse, por thjesht parashikohet për të ardhmen. “Dhënja e statusit nuk është dhënë në kushtet e konfliktit të interesit. Në rastin kur një subjekt ka marrë statusin e ‘investitorit strategjik’. Nuk është duke u ushtruar një veprimtari përfituese. Të gjitha janë në pikëpyetje: nëse në të ardhmen do të ushtrohet apo jo një veprimtari përfituese. Strukturat hoteliere janë ende në hetim. Dhënja e bregut të detit nuk është dhënie pasurie për përfitim por domosdoshmëri për dhënie shërbimi. Përdorimi i hapësirës publike nuk mund të konsiderohet për përfitim publike”