Shqipëria paraqet një nga nivelet më të larta të paraburgimit, me rreth 58 për qind të “popullsisë” së burgjeve për të cilët nuk ende një vendim gjykate. Vendimi i fundit i Gjykatës së Lartë ndryshoi standardet e vendosjes së masës “arrest me burg”, duke pëcaktuar qartë tre rregulla kryesore Së pari, gjykatat kanë detyrimin të shqyrtojnë në mënyrë reale masat alternative më pak kufizuese Arsyetimi duhet të jetë i individualizuar dhe i mbështetur në fakte. Së dyti, “arresti në burg” duhet të mbetet masë përjashtimore. Rrezikshmëria e personit nuk mund të deduktohet vetëm nga natyra e veprës penale apo niveli i dënimit, por duhet të bazohet në një vlerësim të plotë të rrethanave konkrete, përfshirë sjelljen dhe profilin personal të të dyshuarit. Së treti, barra e provës për nevojën e kësaj mase i takon prokurorisë, ndërsa gjykata duhet ta verifikojë dhe arsyetojë atë në çdo fazë të procedimit. Avokati i Popullit Endri Shabani dhe drejtoresha ekzekutive e Komitetit Shqiptar të Helsninkit, Erida Skëndaj, në një intervistë për Top News e konsiderojnë vendimin një hap pozitiv.