Prokuroria e Tiranës ka vënë nën hetim avokatin Genc Gjokutaj, pas një postimi që ky i fundit bëri në rrjetin e tij social Facebook, ku sipas specialistëve për hetimin e krimeve kibernetike, bëri thirrje publike për veprime të dhunshme. Policia njoftoi se në faqen zyrtare të Gjokuta, u konstatua një postim, I cili bën thirrje për të kryer veprime të dhunshme, postim ky i cili konstatohet se është publikuar dhe në media të ndryshme online. Për këtë arsye, u referuan materialet pranë organit të akuzës për veprën penale penale “Thirrjet publike për veprime të dhunshme“. Lidhur me këtë cështje, reagoi vetë avokati në facebook, duke thënë se asnjëherë në jetën e tij nuk e ka shkelur ligjin dhe se postimi kishtë të bëntë mbi konceptin e tij për rrotacionin politik, që sipa avokatit, duhet të bazohet te protesta popullore.