Një aeroplan i British Airëays humbi një rrotë në ajër ndërsa po ngrihej nga Las Vegasi. Airbusi, i cili po fluturonte për në Heathroë, pësoi defekt menjëherë pasi u ngrit nga pista të hënën në mbrëmje. Pamjet video të ndara nga Flightradar, një faqe interneti për ndjekjen e fluturimeve, treguan shkëndija që vinin nga ingranazhi kryesor i uljes ndërsa avioni u ngrit. Një çast më vonë, rrota u shkëput duke rënë në tokë. Fluturimi BA274 vazhdoi për në Londër, ku bëri një ulje "të sigurt dhe pa të lënduar" pas më shumë se nëntë orësh në ajër. British Airëays konfirmoi se askush nuk u lëndua, as në bordin e avionit dhe as në tokë. Incidenti është i fundit që tërheq vëmendjen ndaj prodhuesit evropian të avionëve Airbus, i cili është përballur me shqyrtime të shtuara për shkak të një sërë problemesh teknike dhe të cilësisë që prekin pjesë të flotës së tij. Muajin e kaluar, Airbus tha se një numër i paspecifikuar i avionëve të saj do t'i nënshtrohej inspektimeve pas zbulimit të një "problemi me cilësinë" që përfshinte panelet metalike të përdorura në disa avionë. Kompania tha se deri në 600 avionë mund të kontrolloheshin, megjithëse jo të gjithë pritej të kishin nevojë për riparime. Ditë më parë, më shumë se 6,000 avionë Airbus qëndruan në tokë në të gjithë botën për përditësime të softuerit.