Një avion spiun rus është afruar në mënyrë të rrezikshme pranë një aeroplanmbajtëseje të Marinës Mbretërore dhe ka lëshuar gjurmues përreth në një shfaqje të papërgjegjshme force. Avionët luftarakë të forcave ajrore mbretërore u ngritën menjëherë në fluturim për të interceptuar një avion luftarak rus që u afrua në mënyrë të rrezikshme pranë aeroplanmbajtëses britanike, në një përballje në det të hapur, në arktik, javën e kaluar, tha ministria e mbrojtjes në londër. Avioni spiun rus, me rreze të gjatë veprimi, Bear-F, lëshoi dhjetëra gjurmuesë ose boa detare pranë aeroplanmbajtëses Princi i Uellsit. Boat detare janë pajisje që mund të veprojnë si mikrofonë nën ujë dhe përdoren për të gjetur dhe gjurmuar nëndetëset. Ministria britanike e Mbrojtjes e kritikoi Moskën për fluturim "të pasigurt dhe joprofesional" pasi Bear-F u afrua mbi aeroplanmbajtëse pa patur nevojë. Përplasja ndodhi më 2 korrik ndërsa grupi i sulmit të aeroplanmbajtëses britanike po operonte në detin norvegjez.