Një avion i vogël u rrëzua mbi një hangar në një pistë ajrore afër Varshavës, duke vrarë pesë persona, konfirmuan zyrtarët. Skuadrat e shpëtimit thanë se tre persona ndodheshin në bordin e avionit kur ai u përplas me hangarin ku 13 njerëz po qëndronin për t’i shpëtuar një stuhie. “Pesë persona humbën jetën dhe tetë të tjerë janë lënduar. Dy prej tyre në gjendje serioze”, tha zëdhënësi i policisë së Varshavës Silvester Marczak, duyke shtuar se piloti ishte mes viktimave. Avioni u rrëzua në fshatin Chrcynno, 47 km larg nga Varshava, në një aeroport të vogël të njohur për trajnime për hedhje me parashutë. Avioni i vogël Cessna, ishte modifikuar për të mbajtur parashutistë. Departamenti lokal i zjarrfikësve postoi një foto në facebook në të cilën shihej bishti i avionit që dilte nga hangari. Policia tha se ka nisur tani një hetim për të zbardhur shkaqet e aksidentit.