Një avion Boeing i United Airlines humbi një nga rrotat kryesore të pajisjes së uljes, të hënën, ndërsa po ngrihej në fluturim nga Los Angelesi dhe më vonë u ul i sigurt në Denver, tha kompania ajrore. Nuk ka pasur të lënduar në tokë apo në bordin e Fluturimit 1001, tha United Airlines në një deklaratë për shtyp. “Rrota është gjetur në Los Anxhelos dhe ne po hetojmë se çfarë e shkaktoi këtë incident”, thuhet më tej në deklaratë. Boeingu 757-200, kishte në bord 174 pasagjerë dhe 7 anëtarë të ekuipazhit. Ky është incidenti më i fundit me një avion Boeing, në një seri të gjatë të tyre. Më 7 mars, një avion i United Boeing B777-200 humbi një gomë në ajër, pas ngritjes nga San Francisko. Rrota e shkëputur ra mbi një makinë, në një parking të punonjësve të aeroportit. Askush fatmirësisht nuk u lëndua.