Të afërmit e pasagjerëve dhe ekuipazhit që ndodhej në bordin e fluturimit fatkeq srivijaya Air boeind 737, po përballen me një pritje të vështirë ndërsa autoritetet kërkojnë për mbetjet e avionit. 62 persona ndodheshin në bordin e avionit të pasagjerëve që u zhyt në det vetëm pak minuta pasi ishte nisur nga Jakarta, të shtunën. Duket se tani nuk ka asnjë shpresë për të gjetur të mbijetuar. Edhe pse askush në bord nuk është identifikuar zyrtarisht, informacionet po ndahen nga familjarë dhe miq. Piloti i avionit, 54 vjecar, kishte dalë nga shtëpia më shpejt atë ditë duke i kërkuar ndjesë tre fëmijëve të tij që po i lindte vetëm. Ai kishte filluar karrierën si pilot në forcat ajrore para se të bëhej një pilot i avionëve komercialë në 1987. Familja dhe kolegët thonë se ai ishte një musliman i devotshëm, i gatshëm të ndihmonte njerëzit. Në bord, ishte edhe një 15 vjecare, Dinda Amelia, që kishte shkuar më herët në Jakarta për pushime por nuk mundi të kthehej kurrë që andej. Një tjetër nënë, thotë për gazetarët e BBC se shpreson që djali i saj 29 vjecar, që ndodhej në avion, të jetë ende gjallë. Vetëm një javë më parë ai ishte bërë baba i një djali. Edhe një cift i sapomartuar ndodhej në avionin fatkeq, bashkë me shumë të tjerë, historitë personale të të cilëve po rrëfehen tani nga familjarë e miq të përfshirë nga ankthi.