Avioni i apokalipsit i presidentit rus, Vladimir Putin, është ndjekur nga avionët luftarakë të forcës mbretërore ajrore, në një mision mbi baltik. Avionët britanikë Typhoon, shoqëruan avionin e komandës dhe kontrollit bërthamor ndërsa ai fluturonte pranë qytetit të Kaliningradit, në afërsi të kufijve të NATO-s. Tupolevi i modifikuare 214, u ndërtua për Vladimir Putinin dhe supozohet se që andej ai mund të lëshojë urdhëra bërthamorë në rast të një lufte të tretë botërore. Avionët britanikë u nisën në fluturim nga Estonia, ku ata janë të vendosur si pjesë e misionit të natos për mbrojtjen e qiejve të aleancës. Ata shoqëruan avionin e apokalipsit dhe dy avionët luftarakë Su-30 që e shoqëronin atë, në hapësirë ajrore ndërkombëtare ndërsa ai fluturonte për në enklavën ruse. NATO thotë se ka vënë re një rritje të fluturimeve VIP nga dhe drejt Kaliningradit, që ndodhet mes vendeve anëtare të aleancës, Polonisë dhe Lituanisë. Nuk dihen ndërkohë se kush ishte në bordin e avionit. Një burim tha se rusia e përdor avionin vetëm për njerëz të rëndësishëm. Me gjasë, në bord mund të ketë qenë vetë Putin ose një nga komandantët e lartë të tij.