Një avion ushtarak amerikan është rrëzuar në një aksident gjatë trajnimit në lindje të detit mesdhe, mbrëmjen e të premtes, sipas komandës evropiane amerikane, edhe pse shumë pak detaje janë bërë publike për ngjarjen. Në një deklaratë për shtyp, komanda evropiani nuk identifikoi se cfarë lloj avioni ishte rrëzuar dhe as nëse ndonjë person ishte lënduar. Ndërkohë nuk është e qartë edhe statusi i ekuipazhit. “Duke treguar respekt për familjet e prekura ne nuk do të japim më shumë informacione për personelin e përfshirë në aksident”, thuhej në deklaratë. Shkaku i aksidentit është nën hetim sipas zyrtarëve. Komanda evropiane nënvizoi se incidenti kishte ndodhur gjatë një trajnimi dhe se nuk kishte lidhje me luftën e izraelit në Gaza apo me luftimet përgjatë kufirit mes izraelit dhe libanit. “Ne mund të themi me bindje se aksidenti i ndodhur ka lidhje vetëm me trajnimin dhe se nuk ka të dhëna për aktivitet armiqësor”, thuhej në deklaratë. Komanda evropiane tha se më shumë informacione do të jepen në vazhdim.