Gazata gjermane Bild, thotë se Trump “shtypi frenat” në minutën e fundit duke mos lejuar bombardimin e Iranit. Lëvizjet e SHBA-së në orët e fundit kanë ngritur pikëpyetje, pasi gjithçka tregonte se ishte duke u zhvilluar një operacion ushtarak kundër Iranit, por deri më tani nuk ka ndodhur. Ngjarjet që ndodhën përforcuan përshtypjen se ndërhyrja amerikane ishte e afërt. Trump largoi fillimisht personelin ushtarak amerikan nga baza e Katarit ndërsa gjatë orëve të vona të natës hapësira ajrore mbi Iranin u mbyll. Imazhet e radarëve treguan se nuk kishte fluturime civile mbi Iran. Sipas një raporti në Neë York Times, bombarduesit amerikanë me rreze të gjatë veprimi ishin vënë në gatishmëri për sulme dytësore. Megjithatë, vonë mbrëmë, një zyrtar amerikan tha se ky proces ishte “ngrirë”.Në të njëjtën kohë, një rrjet analistësh, Faytuks Netëork, raportoi se kishte zbuluar tinguj avionësh luftarakë në 11 vende në hapësirën ajrore irakiane, por theksoi se kjo nuk është domosdoshmërisht provë e një sulmi të afërt. Ndërkohë Donald Trump bëri disa deklarata të habitshme duke theksuar se regjimi Iranian kishte ndaluar ekzekutimet e protestuesve. “Ata janë ndalur dhe nuk ka plane për ekzekutime”, tha ai duke pohuar dhe një stepje nga një sulm i mundshëm.