Dy avionë luftarakë rusë hynë në hapësirën ajrore lituaneze të enjten njoftuan forcat e armatosura të Lituanisë që sqaruan se qëndruan për rreth 18 sekonda për t’u larguar më pas, Dy avionët, një luftarak Su-30 dhe një avion furnizimi me karburant Il-78, mendohet se po kryenin një stërvitje furnizimi me karburant kur shkelën hapësirën ajrore, rreth orës 18:00, duke hyrë nga Kaliningradi. Avionët spanjollë Eurofighter Typhoon që morën pjesë në misionin e NATO-s për të patrulluar hapësirën ajrore të Balltikut u ngritën menëjherë në ajër, por dy avionët rus dolën me shpejtësi nga hapësira ajrore. Kjo është e disata herë që avionët ushtarakë rusë shkelin hapësirat ajrore të vendeve anëtare të NATO. Më herët ka pasur raportime për shkelje edhe në Estoni, Poloni apo dhe shtete të tjera. Ngjarja ka ardhur në një kohë kur SHBA vendosi sanksione ndaj dy kompanive ruse të naftës, çka ka asjellë dhe reagimin e Kremlinit që e ka quajtur një akt provokues.