Dy avionë të ushtrisë franceze, kanë fluturuar aq poshtë, afër tokës, sa që kanë bërë që të këputen linjat elektrike dhe të lihet në terr një fshat në jug të francës. Incidenti ndodhi pasditen e të mërkurës, në fshatin e vogël Le Castellet, afër Manosque-s.Dy avionë francezë Rafale, u nisën nga një bazë ajrore e afërt, dhe fluturuan në lartësi të ulët në një fluturim trajnues – thonë raportet. Tani është hapur një hetim për incidentin e rrallë. “Një avion fluturoi aq poshtë sa që shkaktoi një zhurmë shurdhuese. Kur ngrita kokën, pashë edhe një avion të dytë”, tha kryebashkiaku lokal. “Ishte aq poshtë sa që mendova se kishte kaluar nën linjat elektrike”, tha një tjetër banor që ndodhej në makinë në atë kohë. Në fakt, sic tregojnë vetë banorët, një nga avionët kishte kaluar mes linjave elektrike duke i këputur ato. Rënia e kabujve kishte shkaktuar madje edhe një zjarr, që sidoqoftë ishte vënë shpejt nën kontroll. Fshati mbeti pa energji për disa orë ndërsa aksesi në rrugën hyrëse të tij ishte ndaluar për shkaqe sigurie. “Fatmirësisht nuk kishte të lënduar. Ky incident kishte detyruar pilotin e avionit të ulej në tokë në bazën ajrore Orange”, tha një zëdhënës i forcës ajrore franceze për mediat vendase duke shtuar se u vinte keq për incidentin jashtëzakonisht të rrallë. Një gjëmim i fuqishëm i shkaktuar nga një avion ushtarak që kishte kapërcyer shpejtësinë e zërit, u dëgjua në paris vitin e shkuar, duke shkaktuar frikë dhe konfuzion mes banorëve.