Princi Charles u detyrua të anulonte vizitën e tij të planifikuar për këtë të premte në aeroplanmbajtësen HMS Queen Elizabeth ndërsa marina mbretërore është angazhuar për gjetjen e avionit ushtarak 135 milion dollarësh që u rrëzua në det. Aeroplanmbajtësja që ishte pranë brigjeve të Egjiptit ku Carlsi dhe Kamila ndodhen për një vizitë, po lundron aktualisht në një zonë të mesdheut në përpjekje për të gjetur dhe për të nxjerrë nga fundi i detit avionin F-35B Lightning II. Trashëgimtari i fronit, që ndodhej në kajro vizitoi Sfinksin e madh bashkë me bashkëshorten Kamila dhe duhej të zbriste nga një helikopter në aeroplanmbajtëse të premten, por vizita u ndalua për arsye operacionale nga ministria e mbrojtjes. Kjo vjen ndërsa sekretari i mbrojtjes, Ben Uallace pranoi se avionët rusë janë duke gjurmuar aeroplanmbajtësen por nuk dihet nëse nëndetëset e moskës janë apo jo në mesdhe në kërkim të avionit të rrëzuar.