Një ekspert ka paralajmëruar se Vladimir Putin po komploton një sulm kibernetik ndaj aviacionit perëndimor që do të vrasë qindra njerëz. Specialisti i aviacionit Jeff Ëise më herët tronditi industrinë me pretendimin e tij shpërthyes se Rusia rrëmbeu avionin e zhdukur MH370. Avioni u zhduk në mënyrë misterioze nga radari më 2 mars 2014, ndërsa fluturonte për në Kinë me 239 persona në bord dhe nuk është gjetur kurrë. Vetëm disa muaj më vonë, Rusia rrëzoi MH17, duke vrarë të 283 personat në bord gjatë një fluturimi komercial nga Amsterdami në Kuala Lumpur. Që nga fillimi i vitit 2024, Putin është akuzuar se qëndron pas shpërthimeve të shumta misterioze dhe sulmeve kibernetike. Shefi ushtarak estonez Martin Harem paralajmëroi më herët se Rusia përdor një sistem lufte elektronike për të bllokuar teknologjinë GPS në fluturime dhe anije. Vitin e kaluar, pilotët e forcave ajrore mbretërore britanike dyshuan se Moska bllokoi sinjalet në avionin e ish-Sekretarit të Mbrojtjes Grant Shapps. GPS-i dhe sinjalet e tjera u bllokuan për gati 30 minuta në një akt "lufte elektronike". Ndërkohë, në tetor, frika nga sabotimi rus u ndez kur një letër-bombë u vendos në një avion të drejtuar për në Britani. Tani Ëise beson se Rusia po përgatit një sulm të ri ndaj aviacionit perëndimor. Ai ka paralajmëruar se një sulm kibernetik i tmerrshëm mund të shkaktojë aksidente vdekjeprurëse në ajër ose ulje fatale, duke marrë edhe shumë jetë njerëzish.