Një operacion intensiv njëmujor i zhvilluar mes dy shteteve, Shqipërisë dhe Belgjikës, çoi në pranga një 36 vjecar. Bëhet fjalë për shtetasin Mariglen Përgjini nga Lezha. Ky person ishte i shpallur në kërkim ndërkombëtar, pasi akuzohet për vrasje me dashje, prodhim dhe shitje të narkotikëve si dhe për prodhimi dhe mbajtje pa leje të armëve luftarake. Operacioni policor i koduar "Avenue", pas hetimeve të thelluara, informacioneve hetimore të marra në rrugë operative si dhe pas një bashkëpunimi intensiv mes FAST Albania dhe FAST Belgjika, u realizua me sukses me qëllimin për të cuar përpara drejtësisë Përgjinin, personin e rrezikshëm me precedent të mëparshëm penal. 36 vjecari përdorte pasaportë të falsifikuar bullgare, me qëllim që t’i shmangej identifikimit nga shërbimet policore. Ai u u arrestua nga autoritetet belge, ndërsa pritet ekstradimi i tij drejt Shqipërisë.