Një 32 vjeçar u arrestua nga policia, pasi rezultoi i implikuar në kultivim drogë. Ai është Ermir Nasi. Ky shtetas u arrestua në flagrancë në banesën që kishte marrë me qira për të kryer biznesin e tij, të kultivimit të hashashit. Në bazë të informacioneve të marra në rrugë operative, policia e Tiranës në bashkëpunim me OSHEE mundi të sekuestrojë pajisje që shërbenin për kultivimin e bimëve narkotike, llamba dhe 81 vazo me bimë të dyshuara narkotike cannabis sativa. 32 vjecari, gjatë ndërhyrjes nga shërbimet e Policisë, ka tentuar të largohet nga banesa të cilën kishte përshtatur për kultivimin e bimëve narkotike me anë të llambave, duke u hedhur nga kati i tretë, por policia veproi në kohë dhe I vuri prangat. Personat e implikuar në këtë veprimtari, sa duket nuk i druhen kontrolleve të policisë dhe vazhdojnë aktivitetin e tyre të lirë, derisa efektivët zbulojnë tokat e mbjellura me kanabis, apo banesat të kthyera në shtëpi bari. Materialet procedurale iu referuan Prokurorisë, për veprime të mëtejshme.