Grupet kriminale shqiptare, mbeten një nga organziatorët më të mëdhenj të trafikuit të drogës nga vendet e Amerikës Latine drejt Europës. Në një reportazh të gjatë kushtuar këtij fenomeni të kundraligjshëm, BBC analizon se “Droga vërshon nga Kolumbia dhe Peruja fqinje – dy prodhuesit më të mëdhenj në botë. Ndërkohë banda të fuqishme vendase – me lidhje me kartelet meksikane dhe grupet mafioze shqiptare – ndihmojnë në kontrabandën e kokainës. Ato përfitojnë nga kontrollet e dobëta kufitare të Ekuadorit, forcat e sigurisë të pafinancuara dhe bregdeti i gjatë i Paqësorit. Gjatë këtij procesi, sipas BBC, ajo që dikur ishte një parajsë e qetë turistike në Amerikën e Jugut, është shndërruar – në më pak se një dekadë – në një vend vrasjesh. Vitin e kaluar shkalla e vrasjeve ishte një nga më të lartat në botë, me më shumë se 9,200 njerëz të vrarë, sipas ministrisë së brendshme të Ekuadorit. Kjo pavarësisht një goditjeje të ashpër nga Presidenti Noboa gjatë dy viteve të fundit. Kritikët thonë se kjo ka pasur efekt të kundërt. Bosët kryesorë të krimit janë arrestuar, duke shkaktuar ndarjen e bandave, por edhe shumëzimin e tyre. Por pavarësisht kësaj shumë njerëz besojnë se lufta kundër bandave nuk do të fitohet kurrë.