Një atentat me armë zjarri gjatë mbrëmjes së të dielës, rreth orës 20:40, në zonën e njohur si ‘Pallati me shigjeta’, la të vdekur një person. I vrarë ka mbetur 56-vjeçari, Bujar Nasufi biznesmen, i cili rezulton të jetë person pa precedent penal dhe i paskeduar më parë për policinë. Viktima mësohet se po shkonte për në shtëpi, teksa është qëlluar me armë zjarri 6 herë në drejtim të tij, por vetëm dy plumba e kapën. Bujar Nasufi ndërroi jetë gjatë rrugës për në spital, ndërsa autor dyshohet se ka qenë vetëm një person, I cili ka qenë I maskuar si një shpërndarës picash dhe pasi ka qëlluar objektivin është larguar me një motomjet drejt zonës së Selitës. Autori mësohet se lëvizte me motor dhe ka pritur derisa viktima është afruar pranë shtëpisë, dhe në kohën që ka dalë nga makina, ka qëlluar me armë drejt mjetit.