Një ngjarje e rëndë është regjistruar në orën 8:40 të mëngjesit në lagjen nr10 të Korçës. Pas njoftimi se një automjet tip Benz, ishte përfshirë nga flakët, Shërbimet e Policisë dhe të zjarrfikëses kanë shkuar në vendngjarje, ku kanë konstatuar se brenda automjetit, në sediljen e parë të pasagjerit, ndodhej pa shenja jete 66-vjeçari I. Ç. pa shenja jete. Nga veprimet paraprake, dyshohet se 66-vjeçari mund të jetë vetëdjegur brenda automjetit. Mësohet se 66-vjeçari ka lënë pas një letër, ku shkruan se nuk është sjelle mirë më familjen. Sipas të dhënave, mësohet se viktima jetonte momentalisht vetëm pasi ka patur probleme në familje me bashkëshorten e tij. Kjo e fundit ishte zhvendosur të jetonte në Greqi me dy fëmijët që ka çifti. Grupi hetimor, nën drejtimin e Prokurorisë vijon punën për zbardhjen e plotë të rrethanave dhe shkakut të ngjarjes.