Policia ka parandaluar një vrasje të mundshme duke arrestuar një 48 vjeccar që po udhëtonte nga Tirana në drejtim të Shkodrës, me armë me vete dhe motor pa targa. Në prangat e policisë së Shkodrës ka rënë Gentian Bajramaj. Në momentin e kapjes, në një çantë krahu që mbante me vete atij i është gjetur një armë zjarri automatik “Scorpion” me silenciator dhe 20 fishekë luftarak. Sipas njoftimit të policisë Shërbimet e Drejtorisë Vendore Shkodër, pas informacioneve të marra në rrugë operative për një shtetas që qarkullonte me një motomjet pa targa i cili kishte armë me vete dhe dyshohej se mund të kryente një vrasje të porositur, kanë organizuar dhe finalizuar operacionin policor të koduar "Mision i pamundur".