Një aksident I rëndë ka ndodhur në qendër të Stokholmit në Suedi këtë të premte ku një autobus u përplas në një stacion duke lënë pas viktima e të plagosur. Një zëdhënës i emergjencës së Stokholmit njoftoi për të paktën tre viktima dhe disa të plagosur. Ai sqaroi se në autobus nuk kishte udhëtarë gjatë momentit të përplasjes. "Po hetohet si vrasje nga pakujdesia. Shoferi i autobusit është arrestuar, por kjo është procedurë rutinë në raste të tilla", tha ai, duke shtuar se nuk ka ndonjë të dhënë që tregon se bëhej fjalë për sulm terrorist. Edhe pse autoritetet refuzuan të jepnin detaje mbi numrin e viktimave dhe moshën e tyre, mediat ndërkombëtare raportuan për tre të vdekur. Ndërkohë ambulancat bën të mundur transportimin e të plagosurve drejt spitalit për ndihmë mjekësore.