NATO po reagon ndaj gjendjes së ndryshuar të sigurisë me një seri manovrash me emrin "Steadfast Defender" ku do të mobilizohen gjithsej 90.000 ushtarë. Nga e enjtja partnerë të NATO-s po trajnohen në një manovër në shkallë të gjerë "Nordic Response 2024", e cila ka në thelb mënyrën se si duhet të mbrohen në rast të një sulmi ndaj territorit të aleancës. Në këtë manovër marrin pjesë edhe 1500 ushtarë të Bundesëehrit. Me këtë ushtria gjermane kërkon të mbledhë përvojë ushtarake në kushtet klimatike arktike. Në skenarin e trajnimit, ushtarët gjermanë duhet të marrin me një kundërsulm territore të zëna nga një pushtues që nga Alta në veri të Novergjisë më tej në jug. Në këtë manovër marrin pjesë 20.000 ushtarë nga 13 shtete anëtare të NATO-s, mes tyre edhe Finlanda dhe Suedia, që pas sulmit të Rusisë kundër Ukrainës vendoën t'i bashkohen NATO-s. Për këtë manovër shtetet anëtare përdorin një spektër të gjerë të sistemeve të armëve, mes tyre 100 avionë si edhe fregata dhe nëndetëse. Para fillimit të manovrës së NATO-s, ministri gjerman i Mbrojtjes, Boris Pistorius shkoi në Altan norvegjeze. Të mërkurën ai vizitoi një stacion të ushtrisë norvegjeze në kufi me Rusinë dhe ofroi një bashkëpunim më të madh të Bundesëehrit në veri edhe pse bota për momentin i ka drejtuar sytë nga Ukraina dhe Lindja e Afërt. Një pjesë e rëndësishme e fuqisë ushtarake të Rusisë është mbledhur në veri, ka thënë Pistorius. "Këtu kalon trafiku, këtu kryqëzohen nëndetëset. Këtu piqen bashkë shumë gjëra, për të cilat ne kemi shumë pak njohuri në Europën Qendrore. Norvegjia kufizohet në veri me një kufi 198 km të gjatë me Rusinë. Në zonë ndodhet edhe qyteti tjetër i madh rus i Murmanskut, ku është vendosur flota ruse e veriut, një pikë shumë e rëndësishme strategjike. Pjesë e kësaj flote janë edhe nëndetëset me bomba atomike.