Ministri i Jashtëm grek Georgios Gerapetritis paralajmëroi Maqedoninë e Veriut që të mos e anashkalojë Marrëveshjen e Prespës. Në një intervistë të dhënë për portalin grek NEËSBOMB, ai tha se respektimi I traktateve ndërkombëtare është një parim themelor I të drejtës ndërkombëtare. Duke lënë të nënkuptohet se Greqia mund të bëhet pengesë për anëtarësimin e Shkupit në NATO. “Marrëveshja e Prespës është një traktat ndërkombëtar i ratifikuar me ligj, është absolutisht e detyrueshme për të gjitha palët dhe nuk mund të modifikohet në mënyrë të njëanshme. Sidomos për Maqedoninë e Veriut, kushtet bazë të Marrëveshjes janë përfshirë në Kushtetutën e shtetit fqinj dhe ishin kusht për anëtarësim në NATO”. Ai përsëriti edhe njëherë qëndrimin e mbajtur në Samitin e Shkupit duke nënvizuar se shmangia e vepriemve të njëanshme dhe retorikës përçarse garantojnë stabilitetin në rajon. Marrëdhëniet mes dy vendeve kanë ardhur duke u ftohur pas ardhjes në pushte të qeverisë së re në Maqedoninë e Veriut.