Të tjera detaje janë zbardhur nga masakra në Dobraç të Shkodrës, ku humbën jetën katër persona, mes të cilëve dy të pafajshëm. Mësohet se automjeti që u përdor nga autorët për të ekzekutuar Hamza Licin dhe Arlind Bushatin rezulton I vjedhur në Durrës. Për këtë rast mësohet se ka pasur dhe një denoncim në polici. Lidhur me vrasjen e katërfishtë policia e Shkodrës ka shpallur në kërkim Izmir Sakicën dhe Samuel Troshanin. Viktimat Hamza Lici, vëllai I Ibrahim Licit, emër ky I njohur për policinë pasi është shpallur në kërkim për vrasjen e Endri Mustafës, dhe Arlind Bushati u qëlluan me breshëri plumbash teksa ishin duke lëvizur me një makinë tip Bezn me targa kroate. Nga atentati mafioz humbi jetën dhe Flutura Basha dhe bashkëshorti I saj Bashkimi që ishin duke lëvizur me një motor gjatë kohës së ngjarjes. Ata u përplasën nga njëra prej makinave. Shkak paraprak për vrasjen dyshohet të jetë bërë konflikti mes grupeve kriminale.