Dosja penale e të penduarit të drejtësisë Amarildo Nikolli Xhanej, ka kaluar për gjykim. SPAK ka komunikuar për të zyrtarisht akuzën e “amrëmbajtje pa leje në kuadër të grupit kriminal”. I riu nga Shkodra akuzohet se në bashkpunimin me Leonard Luzi, Muharem Koroveshi (alias Muharem Ismaili alias Muharem Myftaraj) dhe Erio Zejno planifikuan vrasjen e Ervis Matodashaj dhe Inez Hajrulla në qytetin e Vlorës. Sipas hetimeve të e organit të akuzës, por edhe dëshmia e Amarildo Nikollit zbuloi se krimi do të kryhej për hakmarrje dhe për marrjen në kontroll të lojërave të fatit. Kështu Leonard Luzi, krijoi një grup të strukturuar kriminal, ku Amarildo Nikolli do të kishte rolin e ekzekutorit, ndërsa Muharem Koroveshi dhe Erio Zejno në rolin e ndihmësit. Sipas provave, Koroveshi, dhe Zejno dërguan armët në banesën e Amarildo Nikolli në Vlorë, ndihmuan në terren me gjetjen e personave të cilët ishin objektiv i atentatit, si dhe do të ndihmonin ekzekutorin , në largimin nga vendi i ngjarjes pas kryerjes së vrasjes.