Gjykata e Apelit e Juridiksionit të Përgjithshëm la në fuqi vendimin e Gjykatës së Vlorës për dënimin me 148 vite burg, për të pandehurit e grupit të Vlorës, të cilët ngritën atentat ndaj shtetasit Ines Hajrulla, ngjarje e shënuar në 10 maj të vitit 2019, në vendin e quajtur Uji i Ftohtë në Vlorë. Daut Elmazi dhe Gentajn Dautaj, alias Gentjan Zoto janë shpallur fajtor, për kryerjen e veprës penale “Vrasja në rrethana cilësuese” e kryer në bashkëpunim e mbetur në tentative. Ndaj këtyre dy shtetasve qëndron në fuqi dënimi me 35 vite burg. Lidhur me këtë ngjarje, po ashtu janë deklaruar fajtor shtetasit Igli Memaj, Serxhio Ademi dhe Albano Goxhaj , nën akuzën “Vrasja në rrethana cilësuese”, e kryer në bashkëpunim, e mbetur në tentative. Për Memajn qëndron në fuqi dënimi me 30 vite burg, ndërsa për Ademin dhe Goxhajn dënimi me 25 vite burg.