Pashk Ujka mbeti i plagosur mbëmjen e kësaj të hënë, pas një atentati të ngritur pranë shtëpisë së tij. Ujka u qëllua me një armë zjarri silenciator, ndërsa po futej në banesë. Ngjarja ndodhi rreth orës 18:15, në parkun e qytetit të Shkodrës, në zonën e quajtur dollari. Menjëherë pas sulmit, 64 vjecari ëshë dërguar me urgjencë në spital ndërsa bëhet me dije se ndodhet nën kujdesin e mjekëve. Policia ka mbërritur menjëherë në vendin e ngjarjes, ndërsa është bllokuar zona me qëllim klapjen e autorit të këtij atentati. Ujka ka qenë shënjestër e atentateve dhe dy herë të tjera. 64 vjecari ka shërbyer si deputet në disa legjislacione. Mes viteve 2005-2009, Ujka shkoi nga Partia Aleanca Demokratike te Partia Demokristiane e Nard Ndokës ku mbajti për disa kohë postin e kreut të grupit parlamentar. Ky I fundit ka drejtuar komunën e Velipojës për një mandat në vitet 2011- 2015 nën siglën e Partisë Socialiste. Grupi hetimor po vijon punën për zbardhjen e plotë të rrethavae të kësaj ngjarje.