Gjashtë persona të dënuar për vepra të ndryshme penale morën sot formularin nga Operacioni Forca e Ligjit për vetëdeklarimin e burimeve të pasurisë. Ata janë Lavdrim Pepkolaj, Arbër Doçi, Besmir Mulgeci, Amarildo Danjolli, Kastriot Brahaj, Ilirjan Nezaj. Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. Lavdrim Pepkolaj, është dënuar për veprën penale “Vjedhja me armë”, e kryer në bashkëpunim, ndërsa Arbër Doçi, i dënuar në Belgjikë për veprën penale “Grupi i strukturuar kriminal”. Besmir Mulgeci, banues në Tropojë, i dënuar në Itali për veprat penale trafikimi droge. Nga Tropoja është edhe Amarildo Danjolli i, dënuar për prodhim droge. Ndërsa Kastriot Brahaj dhe Ilirjan Nezaj që të dy nga Tropoja duhet të deklarojnë pasurinë, ndërsa janë dënuar i pari për vjedhje me armë dhe i dyti për pengmarrje me qëllim përfitim pasurie.