Përpjekjet e ish-kryeministrit Sali Berisha për unifikimin e opozitës në zgjedhjet lokale të vitit 2023, vijojnë, teksa të hënën zhvilloi një takim me përfaqësuesit e partive opozitare jashtë parlamentit. Por teksa në takim morën pjesë 15 përfaqësues partish, ftesa sipas selisë blu ishte dërguar tek të gjitha partite opozitare. Një prej këtyre partive është edhe Bindja Demokratike e Astrit Patozit, fraksion ky i dalë nga PD. Bindja Demokratike nuk kishte përfaqësues, ndonëse burime nga PD bëjnë me dije se kanë qenë të ftuar.