Shtetet e bashkuara të amerikës kanë konfirmuar se kanë kryer sulme ajrore kundër kampeve të ISIS-it në Siri. Lajmi është konfirmuar përmes një deklarate të komandës qendrore amerikane, ku shpjegohej se operacioni përfshinte dhjetëra sulme ajrore precize dhe kishte goditur më shumë se 75 objektiva në sirinë qendrore duke përdorur avionë të ndryshëm të forcave ajrore amerikane, përfshirë bombarduesit strategjikë B-52, avionët luftarakë F-15 dhe ata A-10. “Operacioni kundër liderëve, anëtarëve dhe kampeve të ISIS-it është kryer në kuadër të misionit në vazhdim për të dëmtuar dhe mundur ISIS-in, për të ndaluar grupin terrorist që të kryejë operacione të jashtme dhe për të garantuar që ISIS të mos tentojë të përfitojë nga situata aktuale për tu ringritur në sirinë qendrore – deklaroi komanda qendrore amerikane. Më herët, presidenti amerikan Joe Biden, duke folur në shtëpinë e bardhë tha se SHBA nuk do të lejojë ISIS-in të rikthehet në Siri. “Jemi të vetëdijshëm për faktin se ISIS do të tentojë të përfitojë nga cdo boshllëk për të rikthyer kapacitetet e tij në siri por ne nuk do ta lejojmë këtë”, tha Presidenti. Më pas ai konfirmoi se forcat amerikane kanë kryer dhjetëra sulme ajrore precize në siri, duke goditur bazat e ISIS-it. Sipas pentagonit janë kryer sulme ajrore mbi më shumë se 75 shënjestra të lidhura me shtetin islamik në vend.