Shtyrja e themelimit të Asociacionit do të vështirësojë pozitën e Kosovës, thotë profesori i të drejtës kushtetuese, Arsim Bajrami. Sipas tij, Kosova e ka detyrim ta bëjë një hap të tillë në pajtim me Kushtetutën e Kosovës. Bajrami: Është gabim që deri më tani nuk është themeluar Asociacioni “Është gabim që nuk është themeluar Asociacioni deri më tani. Është dashur të themelohet. Çfarëdo shtyrje e Asociacionit e vështirëson pozitën e Kosovës dhe na sjell te një asociacion gjithnjë e më i keq. Është detyrim ndërkombëtar, është guxim i lidershipit që ky të themelohet, të themelohet në pajtim me Kushtetutën e Kosovës... Duke folur për proceset gjyësore që po zhvillohen pranë dhomave të specializuara të kosovës në hagë, Bajrami thotë se ka një tendencë për rishkrimin e historisë së vendit. Gjykimi i ish krerëve të UCK-së sipas tij, është proces i rrezikshëm. Bajrami: Procesi në Gjykatën Speciale është i rrezikshëm “Çfarë po shohim në Gjykatën Speciale është një episodë politike që ka një porosi apo një dimension politik, i cili tenton që të bëjë baraspeshën e asaj çfarë ka ndodhur. Një proces shumë i rrezikshëm i cili nuk do të ketë efekte dhe pasoja vetëm ndaj personaliteteve që atje po gjykohen, që në fakt janë themeluesit e UÇK-së dhe themeluesit e shtetit por në një mënyrë po do të dëmtojë shtetin e Kosovës, sepse në qoftë se do të ndodhë që ata të dënohen, në një mënyrë po dënohet edhe shteti i Kosovës. Po inkriminohet edhe vet NATO e cila e ka mbështetur kauzën e UÇK-së për liri dhe pavarësi të Kosovës... Për profesorin e të drejtës kueshtetuese ka shkelje të shumta nga dhomat e specializuara.