Kompania ndërtuese e pallatit që u përfshi nga flakët pasditen e së martës në Tiranë ka dalë me një deklaratë publike, ku jep garanci se godina ishte ndërtuar në përputhje me kriteret e sigurisë të kërkuara nga legjislacioni dhe rregulloret në fuqi. Ajo thotë se gjatë ka zbatuar lejen e ndërtimit gjatë punimeve dhe se godina është kontrolluar dhe certifikuar për parametrat e sigurisë nga organet kompetente. Kompania shmang përgjegjësinë e plotë dhe dëmshpërblimin e plotë për dëmet e shkaktuara, duke u ofruar banorëve të prekur rindërtimin vetëm të fasadës dhe apartamenteve të prekura, por jo të dëmeve që kanë pësuar familjet në baza materiale. “Shoqëria “Arlis”, pavarësisht se nuk mbart asnjë përgjegjësi ligjore, por në kuadër të përgjegjësisë sociale si kompani, si dhe angazhimit të saj për të qenë pranë njerëzve që e kanë besuar dhe banorëve të prekur, merr përsipër me shpenzimet e saj, rindërtimin e plotë të fasadës së pallatit të dëmtuar nga zjarri si dhe rindërtimin e të gjithë apartamenteve të dëmtuara duke i kthyer në gjendjen fillestare, pra në të njëjtat kushte që banorët e kanë marrë apartamentin me çelësa në dorë në momentin e dorëzimit”