Zyrtarët danezë të shëndetësisë do të heqin të gjitha kufizimet e Covidit që nga 10 shtatori pasi besojnë se virusi nuk përbën më një kërcënim kritik për shoqërinë. Më shumë se 70 për qind e danezëve janë vaksinuar plotësisht dhe nivelet e uleta të covidit në vend kanë cuar ministrin e shëndetësisë që të njoftojë se virusi ëhstë tani nën kontroll. “Epidemia është nën kontroll. Ne kemi një nivel rekord vaksinimi. Ndaj, më 10 shtator, ne mund të heqim rregullat e posacme që vendosëm në kuadër të luftës kundër covid 19 – tha ministri. Sidoqoftë ai nënvizoi se epidemia nuk kishte përfunduar dhe se qeveria nuk do të hezitojë të reagojë shpejt nëse pandemia edhe një herë tjetër do të kërcënojë funksionimin e shoqërisë. Danimarka ishte një nga të parat vende që vendosi izolimin e pjesshëm në mars 2020, duke mbyllur shkollat dhe bizneset e shërbimet jo të domosdoshme. Ajo i ka zbutur dhe riforcuar masat gjatë pandemisë dhe në prill prezantoi pasaportën e koronës që i garantonte mbajtësve të kishin akses në biznese si restorante, kinema, palestra dhe sallone bukurie. Kjo kërkesë është hequr tani në disa vende si muze dhe nga 14 gushti maskat nuk janë më të detyrueshme në transportin publik. Pamjet: AFP