Në Gjykatën e Lezhës familjarët e Ervis Martinajt kanë kërkuar që ai të shpallet I zhdukur. Nga gushti I vitit 2022, Martinaj ka humbur kontaktet me familjarët dhe nuk dihet fati I tij. Për këtë arsye I ati Mustafa Martinaj ka bërë kërkesë pranë togave të zeza. "Shtetasi Mustafa Martinaj kërkon pranë Gjykatës së Shkallës së Parë të Juridiksionit të Përgjithshëm Lezhë shpalljen të zhdukur të shtetasit Ervis Martinaj i datëlindjes 6.10.1982, lindur në Burrel dhe banues në Fushë-Kuqe, Patok, Kurbin",- thuhet në kërkesën e depozituar. Sipas ligjit, një person mund të shpallet i zhdukur me vendim gjykate nëse mungon nga vendbanimi i tij dhe nuk ka pasur asnjë lajm për të për më shumë se dy vite. Më pas nëse lotësohet harku kohor I katër viteve të tjera dhe po ashtu ende s’ka asnjë shenjë prej tij atëherë familjarët mund të kërkojnë që të shpallet i vdekur. Martinajt I janë sekuestruar 35 pasuri me kërkesë të SPAK, një pjesë e të cilave në emër të familjarëve dhe të afërmëve. Pasuritë me vlerë miliona euroshe dyshohet sipas SPAK se janë vendosur me para të ardhura nga veprimtaria kriminale. Martinaj ka humbur kontaktet prej muajit gusht të vitit 2022. Policia ka kryer disa herë kontrolle për gjetjen e tij por pa sukses.