Kryeministri Benjamin Netanyahu tha të martën se trupat izraelite duhet të kryejnë carmatosjen e gazës pas luftës me Hamasin, duke hedhur poshtë edhe një herë tjetër idenë se një forcë ndërkombëtare mund të jetë përgjegjëse për sigurinë në rajon. “Një ditë e më parë Gaza duhet të carmatoset. Dhe Gazën mund ta carmatosë vetëm një forcë, e kjo është Forca mbrojtëse e izraelit”, tha Netanyahu në një konferencë për shtyp. “Nuk do të pranoj asnjë marrëveshje që parashikon dërgimin në vend të një force ndërkombëtare”, shtoi ai. Kjo deklaratë e fundit vjen pasi kryeministri izraelit i tha CNN muajin e kaluar se roli i izraelit në sigurinë e gazës së pas luftës, do të ishte i rëndësishëm, pa shtjelluar se cfarë do të thotë kjo. Planet e kryeministrit izraelit, Benjamin Netanyahu për mbajtjen nga ana e izraelit, të një kontrolli të pakufizuar të sigurisë në rripin e gazës, pas luftës, janë kundërshtuar nga SHBA dhe shumë vende të tjera të huaja. Në terren ndërkohë, ushtria izraelite po vazhdon sulmet intensive në gazën jugore dhe në qytetin e dytë më të madh të rripit, Khan Junis. Forcat mbrojtëse të izraelit thanë ndërkohë se kishin rrethuar edhe kampin e refugjatëve në Chabalia, që konsiderohet edhe si një bastion i hamasit.