Qeveria amerikane ka përsëritur thirrjen e saj drejtuar qytetarëve amerikanë që të largohen nga Rusia menjëherë pas arrestimit të gazetarit amerikan Uoll Strit Xhornëll. Rusia njoftoi se kishte arrestuar gazetarin Evan Gershkovich, nën akuzën për spiunim për llogari të shteteve të Bashkuara. Pas kësaj, departamenti amerikan i shtetit tha se arrestimi i Gershkovich dhe akuzat ndaj tij, ishin të papritura. Nuk kishte asnjë paralajmërim dhe asnjë tregues se rusia po planifikonte një lloj aksioni të tillë kundër gazetarëve. Departamenti Amerikan i Shtetit tashmë këshillon qytetarët amerikanë që të mos udhëtojnë në Rusi edhe për shkak të rrezikut të ndalimit të paligjshëm. Nuk është dicka e re për Rusinë që të arrestojë qytetarët amerikanë ose të godasë shtypin e lirë dhe të pavarur – tha departamenti amerikan i shtetit. Arrestimin e gazetarit e ka dënuar edhe shtëpia e bardhë. Zëdhënësja Karine Jeran Pierre tha në një konferencë për shtyp se akuzat për spiunazh janë qesharake ndërsa vënia nën shënjestër e qytetarëve amerikanë nga ana e qeverisë ruse është e papranueshme. Kjo është hera e parë që një korrespondent amerikan arrestohet nën akuzat për spiunazh që nga lufta e ftohtë. Analistët politikë perëndimorë kanë spekuluar se moska mund të tentojë ta mbajë atë për ta përdorur më pas në një shkëmbim të burgosurish me Uashingtonin apo për ta përdorur atë për përfitime diplomatike. akuza që rëndon mbi gazetarin 31 vjecar, sjell një dënim me burg deri në 20 vite në rusi.