Rusia thotë se Ukraina nisi një sulm me dron ndaj Moskës, disa ditë para fillimit të një armëpushimi, të urdhëruar nga Presidenti rus Vladimir Putin që të përkonte me një paradë të Luftës së Dytë Botërore. Katër aeroportet kryesore të Moskës u mbyllën për disa orë të martën për shkak të sulmeve, thanë autoritetet. Nuk pati viktima dhe Ukraina nuk ka bërë komente. Moska do të mbajë një paradë më 9 maj për të shënuar fitoren e Bashkimit Sovjetik dhe aleatëve mbi Gjermaninë naziste. Këtë vit shënohet 80-vjetori i përfundimit të Luftës së Dytë Botërore dhe udhëheqës botërorë, përfshirë Xi Jinping të Kinës, do të jenë në Rusi për këtë ngjarje. Putin ka bërë thirrje për një armëpushim tre-ditor që fillon nga 8 maji, por ukraina nuk ka pranuar. Kievi dëshiron një armëpushim më të gjatë. "Zjarri do të ndalet, por nëse regjimi i Kievit nuk arrin të bëjë të njëjtën gjë dhe nëse vazhdon të përpiqet të godasë pozicionet dhe objektet tona, atëherë do të jepet menjëherë një përgjigje e përshtatshme", tha zëdhënësi i Kremlinit Dmitry Peskov të martën.