Territori i Krujës dhe Lezhës ka qenë në kontrollin e vazhdueshëm të shërbimeve policore, me qëllim goditjen e paligjshmërisë së kultivimit të lëndëvë narkotike. Në Krujë, u finalizua faza e 14 e operacionit policor antikanabis të koduar "Territor i pastër", ku si pasojë 700 bimë kanabis u gjetën dhe u asgjësuan me anë të djegies. Sasia e bimëve narkotike u gjet në fshtarat Cudhi Kamp dhe Kroi i Madh, si dhe në malin e Bruzit. Si rezultat i fazave të mëparshme të këtij megaoperacioni, janë asgjësuar në total 7753 bimë narkotike cannabis sativa. Ndërsa në Lezhë u finalizua operacioni antidrogë i koduar “Imazhi”, ku si pasojë 436 bimë narkotike të llojit kanabis të cilat u gjetën të kultivuara në fshatrat Fregen dhe Gjobardhaj, njësia administrative Ungrej u asgjësuan përmes djegies. Në fshatin Fregen, u gjetën të kultivuara 300 bimë narkotike cannabis sativa, ndëras në Gjobardhaj, u gjetën 136 bimë kanabis. Gjatë fazave të mëparshme të këtij megaoperacioni, në zona të ndryshme të qarkut Lezhë, janë asgjësuar në total, 16 573 bimë narkotike cannabis sativa. Materialet iu referuan prokurorive përkatëse për veprime të mëtejshme hetimore.