Përpjekjet e ish-presidentit amerikan, Donald Trump, për të fituar nominimin e republikanëve për zgjedhjet presidenciale, përballen me sfidë të madhe, të martën, kur votuesit në Nju Hempshër do të mbajnë zgjedhjet paraprake. Duke qenë se Ron DeSantis i dha fund garës për të fituar nominimin e republikanëve, dhe ka vendosur të përkrahë Trumpin, ky proces do të jetë i pari që do të vendosë përballë kampin e Trumpit me atë të Nikki Haleyt. Ish-presidenti amerikan vjen në këto primare pas një performance të mirë në zgjedhjet e javës së kaluar në Ajova. Por, Nju Hempshajër ka traditë më të moderuar politike dhe rregulla të tjera, të cilat u mundësojnë edhe votuesve pa përkatësi politike, që të marrin pjesë në garë. Kandidatët e lidhur me Trump dhe fushatën e tij, kanë hasur vështirësi në këtë shtet, në të kaluarën. Haley, ish-ambasadore e Shteteve të Bashkuara në Kombet e Bashkuara dhe ish-guvernatore e Karolinës së Jugut, shpreson të përfitojë prej çdo boshllëku, sidomos tani që është kandidatja e vetme e rëndësishme në zgjedhjet paraprake, që synon të mposhtë Trumpin.