Në vazhdën e takimeve të asambleve të zgjedhuara, në kuadër të Kongresit të Partisë Socialiste që do mbahet në nisje të muajit dhjetor, kreu i qeverisë Edi Rama u ndal në Durrës, për të diskutuar disa cështje, një prej të cilave ishte edhe Reforma në Drejtësi. Kryeministri i vendit u shpreh se Reforma në Drejtësi po jep rezultatet e duhura dhe se nuk ka më persona të paprekshëm si më parë, cka do të thotë se miti i pandëshkueshmërisë ka rënë. “Në Shqipëri ka rënë miti i pandëshkuemërisë, nuk ka më persona të paprekshëm që dikur ishte e pamundur. Pyetjet që bënin se a do ta jetosh ti ditën kur të shohësh një ministër në burg, njerëzit thonin kurrë. Por kjo ditë ka ardhur, dhe ka ardhur për të qenë pjesë e jetës shoqërore të këtij vendi dhe kush del nga rruga e Zotit, do të duhet të përballet me ligjin. Do të mundohemi ta mbështesim drejtësinë pa kushte dhe deri në fund.