Top News- Asambleja e OKB nis punimet me Ukrainën /‘Bota në rrezik nga lufta dhe kriza energjetike’!

Në Nju Jork u hap për herë të parë pas dy vjetësh me pjesëmarrjen në sallë të udhëheqësve botërorë, Asambleja e Përgjithshme e Kombeve të Bashkuara. Asambleja e Përgjithshme u bëri ftesë udhëheqësve botërorë të vijnë personalisht të flasin nëse dëshirojnë, duke bërë një përjashtim vetëm për presidentin ukrainas Volodymyr Zelensky. Në seancën hapëse, Sekretari i Përgjithshëm i OKB-së Antonio Guterres u ra kambanave të alarmit për krizat e shumta globale, pjesa më e madhe e të cilave vijnë për shkak të luftës në Ukrainë. Ai tha se vendet e botës janë “bllokuar në një mosfunksionim kolosal global” dhe nuk janë të përgatitura dhe as nuk kanë vullnetin të trajtojnë sfidat kryesore që kërcënojnë të ardhmen e njerëzimit dhe fatin e planetit.