Autoritetet italiane kanë vënë në pranga dy shqiptarë, të cilët dyshohet se kanë dhunuar gjatë një aksioni policor karabinierët në Pulja. Sipas medieve vendase ngjarja ka ndodhur kur një policia është telefonuar se një person në gjendje të dehur para një bari në Santeramo, po qëllonte drejt një makine, duke e shkatërruar atë. Në këtë moment karabinierët kanë ndërhyrë për të qetësuar situatën, por me të iu afruar shqiptarit 45-vjeçar, është përballur me një furi goditjesh fizike. Incidenti ndodhi në Corso Tripoli, ku edhe afrimi i efektivit të dytë nuk e qetësoi situatën. Policët përdorën edhe spraj me piper ndaj agresorit, por aty ka ndërhyrë shqiptari i dytë, 25-vjeçar, që gjithashtu goditi me grushte, shuplaka e shkelma efektivët, informon media italiane. Më tej u desh ndërhyrja e përforcimeve të tjera për të prangosur dy të dyshuarit dhe izoluar në qelu për disa akuza. Pas veprimeve hetimore dhe vlerësimit juridik, gjykata i ka lënë të dy agresorët nën mazën e arrestit shtëpiak, në pritje të procesit.