Rusia nuk është pozicionuar as me Izraelin dhe as Me Hamasin ndërkohë që fajëson perëndimin për përshkallëzimin e dhunës. Rusia tradicionalisht ka mbajtur marrëdhënie të mira me të dyja palët, si me Izraelin ashtu edhe me palestinezët, por në të njëjtën kohë është distancuar nga të dyja palët, thotë në një intervistë për DË eksperti rus i Lindjes së Mesme, Ruslan Suleimanov. "Marrëdhëniet janë ende pjesërisht të bazuara në besim, edhe pasi Rusia sulmoi Ukrainën dhe pasi marrëdhëniet me Izraelin u përkeqësuan pjesërisht." Ai kujton deklaratën e ministrit të Jashtëm rus Sergei Lavrov në maj 2022. Në atë kohë, Lavrov, duke iu referuar presidentit ukrainas Volodymyr Zelensky, pohoi se "antisemitët më të zellshëm" janë vetë hebrejtë. Qeveria izraelite e dënoi këtë deklaratë të Lavrovit. Ministri i Punëve të Jashtme Jair Lapid e quajti atë "një deklaratë të pafalshme, skandaloze, një gabim të tmerrshëm historik".