Ditëve të pandëshkueshmërisë u ka ardhur fundi. Kjo ka qenë deklarata e ambasadores së Shteteve të Bashkuara të Amerikës, Yuri Kim, përsa i përket vendimit të departamentit Amerikan të shtetit për shpalljen ‘non grata’ të ish kryeministrit Sali Berisha. Në fjalën e diplomates amerikane në Tiranë, mbizotëroi një konsideratë pozitive për atë që ajo e konsideroi ndryshim të Shqipërisë, drejt demokracisë dhe shtetit ligjor. “Shumë prej kësaj lidhet me demokracinë dhe shtetin ligjor. Keni parë zhvillime domethënëse këto janë zhvillime positive që duhet të vazhdojnë. “Mesazhi është ky Shqipëria po ndryshon, Shqipëria është anëtare NATO-s Shqipëria do të jetë në BE, është mike dhe aleate e SHBA-ve. Shteti ligjor duhet të prevalojë. Duhet të jetë një vend i pastër që të jetë një vend i pasur. Askush nuk mund të jetë mbi ligjin. Ditët e pandëshkueshmërisë kanë marrë fund dhe të gjithë duhet të punojmë së bashku për këtë”. Përsa i përket rolit që ka pasur vetë diplomatja amerikane në këtë vendim të departamentit të shtetit, Yuri Kim u shpreh se nuk kishte asgjë për të shtuar përveç asaj që tha sekretati i shtetit.